من طرف ود الحاوي الأربعاء ديسمبر 16, 2009 12:51 amرباطابى اتخنق فى الاكل قال لى ولدو ياولد جيب مويه قال ليهو شراب ، ابوهو قام قال ليهو لا كبسولات
الرباطابى المركب بتاعو غرق مش يفتح بلاغ الضابط سألو مركبك غرقت وين قال ليهو فى الظلط
رباطاب قاعدين يحفروا فى مقابر عندهم زول ميت عاوزين يدفنو جاء واحد قال
ليهم انشاء الله خير يا جماعه قالو ليه خير بندور نطلعلنا صارقيل
فى حمار متعود يحك راسو جنب فصل فى مدرسه رباطاب الاستاز سألهم الحمار دا
دائما يعمل كدا ليه عندو اخو هنا قالو ليهو يا استاز ما يجى الا فى حصتك
الرباطابى استاز انجليزى اعطى طالب كلمه بالانجليزى وقال ليهو ابحث لى
عنها الطالب قال ليهو القاها وين الاستاز الرباطابى قال ليهو فى المصحف
الرباطابى قاعد يشرب سجاره فى الغرفه ابوهو دخل عليهو طوالى طفى السجاره
برجلو وقفل خشمو ابوهو قال ليهو يا ولد الفى خشمك دا شنو قام قال ليهو
والدخان مارق من خشمو : تسالى يا ابوى قال ليهو وقاعد تقلى فوقو
رباطابى نادى بنت صغيره بتبيع بيض قال ليها يابت البيضه بى كم قالت ليهو بخمسميه قال ليها لى شنو أصلو جدادتكم دى بتلد فى الدايات
واحد رباطابي جوهم الجماعة وهم يهللون ابشر ياحاج ولدك الليلة عريس في
جنان الخلد وسمعت امه وجات جارية وينو ولدي فقال ليها احدهم ياحاجة ولدك
عريس الجنة الليلة ياحاج الحاجة دي بتعمل كدة ليه فما كان منه الا ان قال
اديها طلقة عشان تحصل الجرتق
قالوا رباطابي ببيع خرفان .. جاهو واحد إشتره منه خروف .. وبعد مارفع
الخروف في العربية .. رجع للرباطابي وقال ليه وين القش بتاع الخروف
..الرباطابي قال ليه أنا بعته ليك مكيف .
قالو واحد سافر لابوحمد واول ما نزل من القطر لقى شافع رباطاب بيببع في
ليمون قام قال ليهو يا ولد ليمونك ده فيهو موية قام الشافع رد عليهو بسرعة
- نان قالوك ساقنوا بالتيمم
قالو فى واحد راكب القطر و شايل ديك و احد سالو ماشي تبيعو قالو لا ماشي اغير نغماتو
حاجة كبيرة مشت المركز الصحي وقابلت الدكتور والدكتور رباطابي قالت ليه
حوّلني المستشفى قال ليها ليه؟؟ قالت ليه عشان هناك بكشفو عليّ بالسماعة
قال ليها و الدارعا انا في رقبتي دي باقي لك نبلة؟؟
